Mirarab.uz

#янгиликлар #ташриф
#тақсимот

Олий мадрасасининг битирувчи босқич талабалари турли вазифаларга тақсимот қилинди.

📆 Бугун Мир Араб олий мадрасасига битирувчи босқич талабаларини иш жойларига тақсимот қилиш мақсадида Ўзбекистон мусулмонлари идораси мутахассилари Муҳаммадамин Насриев ҳамда Умид Ходжаев ташриф буюрди.

🔹 Мазкур ташриф асносида ўтказилган йиғилишда битирувчи курс талабалари Ўзбекистон мусулмонлари идораси тасарруфидаги масжидлар ва таълим муассасаларида иш фаолиятини юритиш учун тақсимот қилинди.

🔹 Аллоҳ таоло битирувчиларимизнинг динимиз йўлида улуғ хизматлар қилишларини насиб этсин, мазкур толиби илмларни вояга етказган, таълим-тарбия берган ота-оналари ҳамда устозларининг даражаларини дунё-ю охиратда юқори қилсин, халқимизни эса илмни ва илм аҳлларини қадрлайдиган, Ўзи рози бўладиган халқлардан қилсин.

✅ Дўстларингизга ҳам улашинг!!!
🚀 https://t.me/Mirarabuz

#Янгиликлар


📚 “Ал-жомеъ ас-саҳиҳ” асариниг “Хатми кутуб” илмий-маърифий тадбири ўтказилди

🔹 Мир Араб олий мадрасасининг битирувчи босқич талаблари иштирокида “Ал-жомеъ ас-саҳиҳ” асариниг “Хатми кутуб” илмий-маърифий тадбири ўтказилди.

🔹 Тадбирда Олий мадраса ректори Жобир домла Элов, устозлар ва талабалар иштирок этди.

🔹 Тадбир анъанага мувофиқ Қуръон тиловати билан бошланди. Шундан сўнг Олий мадраса ректори Жобир домла Элов тадбирни кириш сўзи билан очиб берди. Шунингдек, хатми кутуб анъанаси асрлар давомида уламолар томонидан изчил давом эттириб келинаётган муборак анъана эканини таъкидлаб, битирувчи босқич талабаларига илм йўлида бардавом бўлиш, олган билимларини халқ манфаати йўлида самарали қўллаш борасида самимий тилаклар билдирди.

🔹 Шундан сўнг “Диний фанлар” кафедраси ўқитувчиси Улуғбек домла Жиянов “Хатми кутуб қилиш тартиби, шартлари ва одоблари” ҳақида нутқ сўзлади.

🔹 Аллоҳ таоло “Ал-жомеъ ас-саҳиҳ” асарини бошидан охиригача ўқиб тугатиш - хатм қилишга бел боғлаган толиби илмларга мадад бериб, ушбу хайрли анъана сабаб юртимизда тинчлик ва осойишталик, хайру барака янада зиёда бўлишини насиб этсин.

✅ Дўстларингизга ҳам улашинг!!!
🚀 https://t.me/Mirarabuz