SamMU Education

🏛 Samarqand davlat tibbiyot universiteti xalqaro reytinglarda yuksak natijalarni qayd etdi!

🥰😇🥰Times Higher Education (THE) Impact Rankings 2026 natijalariga ko‘ra, Samarqand davlat tibbiyot universiteti BMTning Barqaror rivojlanish maqsadlari (SDG) bo‘yicha dunyoning yetakchi oliy ta’lim muassasalari qatoridan munosib o‘rin egalladi.

📊Universitetning asosiy ko‘rsatkichlari:

✔️SDG 3 – Sog‘liq va farovonlik — 82-o‘rin
✔️ SDG 4 – Sifatli ta’lim — 101–200-o‘rin
✔️ SDG 17 – Maqsadlar uchun hamkorlik — 201–300-o‘rin
✔️ SDG 1 – Qashshoqlikka barham berish — 301–400-o‘rin
✔️ SDG 5 – Gender tengligi — 301–400-o‘rin
✔️ SDG 16 – Tinchlik, adolat va samarali institutlar — 401–600-o‘rin

🏆 Umumiy THE Impact Rankings 2026 natijalariga ko‘ra, Samarqand davlat tibbiyot universiteti dunyo universitetlari orasida 301–400-o‘rinlar guruhidan joy oldi.

Mazkur natijalar universitetning nafaqat xalqaro maydondagi nufuzini, balki mamlakat miqyosidagi yetakchi o‘rinlarini ham tasdiqladi.

🇺🇿 O‘zbekistonning 50 ta oliy ta’lim muassasasi orasida 6-o‘rinni egalladi;

🇺🇿 Respublikadagi tibbiyot oliy ta’lim muassasalari orasida esa 1-o‘rinni qo‘lga kiritdi.


Ushbu yutuqlar universitetda ta’lim sifati, ilmiy tadqiqotlar, sog‘liqni saqlash, xalqaro hamkorlik va barqaror rivojlanish yo‘nalishlarida amalga oshirilayotgan keng ko‘lamli islohotlarning xalqaro e’tirofidir.

Samarqand davlat tibbiyot universiteti tomonidan aholi salomatligini mustahkamlash, sog‘lom turmush tarzini targ‘ib qilish hamda chekka hududlarda yashovchi fuqarolarning tibbiy xizmatlardan foydalanish imkoniyatlarini kengaytirish maqsadida joylarda chuqurlashtirilgan tibbiy ko‘riklar davom ettirilmoqda.

Joriy yilning 15-iyun kuni Pastdarg‘om tuman tibbiyot birlashmasiga qarashli Lolazor MFY hududida joylashgan 17-son oilaviy poliklinikada universitetning malakali mutaxassislari tomonidan navbatdagi tibbiy ko‘rik tashkil etildi.

Mazkur hududda 6 287 nafar aholi istiqomat qiladi. Tibbiy ko‘rik jarayonida 182 nafar fuqaro chuqurlashtirilgan tibbiy tekshiruvdan o‘tkazildi. Tekshiruvlar natijasida 15 nafar bemorga Pastdarg‘om tuman tibbiyot birlashmasiga, 32 nafarga Samarqand davlat tibbiyot universiteti ko‘p tarmoqli klinikasiga, 14 nafarga viloyat parazitologiya bo‘limiga hamda 4 nafarga travmatologiya shifoxonasiga yo‘llanmalar berildi. Shuningdek, 32 nafar fuqaro ambulator davolanishga yo‘naltirildi.

Tibbiy ko‘rik davomida fuqarolar bilan profilaktik suhbatlar o‘tkazilib, sog‘lom turmush tarzi, kasalliklarning oldini olish va o‘z vaqtida tibbiy murojaat qilishning ahamiyati haqida tushuntirish ishlari olib borildi. Aniqlangan kasalliklarga ega bemorlarga tegishli tavsiyalar berilib, zarur tibbiy yordam ko‘rsatildi.

Samarqand davlat tibbiyot universiteti tomonidan hududlarda aholi salomatligini muhofaza qilish va sifatli tibbiy xizmat ko‘rsatishga qaratilgan bunday tadbirlar izchil davom ettirilmoqda.

Samarqand davlat tibbiyot universiteti - imkoniyatlar maydoni! 🌐 SAMARQAND DAVLAT TIBBIYOT UNIVERSITETINING RASMIY IJTIMOIY TARMOQ...

​Turkiy davlatlar olimlarining neyromodulyatsiya muammolariga bag‘ishlangan uchinchi kongressi o‘tkazildi ​Turkiy davlatlar olimlarining neyromodulyatsiya muammolariga bag‘ishlangan uchinchi kongressi o‘tkazildi 22.05.2026 158 Ulashish TelegramFacebookTwitterLinkedinVkontakteOdnoklasnikiWhats AppGmail   Joriy yilning 22-may kuni Samarqand Citydagi Hilton mehmonxonasida Samarqand neyroxirurgiya...

Samarqand davlat tibbiyot universiteti Indoneziyaning yetakchi oliygohi bilan hamkorlik qiladi Samarqand davlat tibbiyot universiteti Indoneziyaning yetakchi oliygohi bilan hamkorlik qiladi 20.05.2026 34 Ulashish TelegramFacebookTwitterLinkedinVkontakteOdnoklasnikiWhats AppGmail   Joriy yilning 20-may kuni Samarqand davlat tibbiyot universitetiga Indoneziyaning Alma Ata universiteti rekt...