Sami Group

Мюнхеннинг Линдвурмштрассе кўчасидан ўтаётганимда, қурилиш паспортига кўзим тушди. Унда ёзилишича, автомобиль йўлининг бир қисмидан велосипед йўлагини ташкил этишмоқда. Янги велойўлакнинг кенглиги 3,5 метр бўлиб, у яшил ҳудуд орқали ажратилади.

Илгари велойўлак пиёдалар йўлагидан жой олган эди, энди эса пиёдалар йўли ҳам кенгайтирилади. Шу билан бирга, етказиб бериш хизматлари автомобиллари учун алоҳида майдон ҳам яратилади. Йўл бўйидаги парковка жойлари сони эса 70 тадан 56 тага қисқаради.

Велосипедлар ҳаракати
Велосипед ҳаракатига қўйилган талаблар кўчанинг маҳаллий ва шаҳарлараро велосипед тармоғидаги аҳамиятига боғлиқ.
Велосипедчининг эҳтиёжлари, биринчи навбатда, боғланиш функциясининг муҳимлиги, хавфсизлик жиҳатлари (айниқса чорраҳаларда) ва кутилаётган самарадорлик даражаси (масалан, тез саёхат вақти, ёки қувиб ўтиш қобилияти) билан белгиланади.
Велосипед йўлаклари учун зарур бўлган жойнинг асосий ўлчамлари велосипедчининг кенглиги, баландлиги ва ҳаракат учун зарур бўлган бўш жой асосида аниқланадаи (1- расм). Велосипед йўлакларини лойиҳалашда инобатга олинадиган хавфсизлик бўшлиқлари 1- жадвалда кўрсатилган.

Бундан ташқари Велойўлакларни ташкил қилишда яна бир неча талабларни инобатга олиш керак:

1. Умумий қоидалар:
•Велосипедда харакатланишни оммалаштириш, велосипедчилар хавфсизлигини таъминлаш муҳим аҳамият касб этади:
•Волосипедчиларнинг барча гуруҳлари эҳтиёжларига мослаштирилган бўлиш керак:
•Велойўлак лойиҳаси йўл ҳаракати хавфсизлиги, ҳаракат қўлайлиги ва фойдаланиш имконияти талабларига жавоб бериш керак.

2. Велосипедчилар учун йўл иншоотлари:
•Велойўлак (велосипед учун йўл): велосипедлар ҳаракти учун қатнов қисмининг бир ёки иккала томонидан яратилган йўллар.
•Велосипед йўли: йўл бўйлаб фақат велосипедчилар учун ажратилган ва белгиланган майдон.
•Химоя чизиғи: қатнов қисмида велосипедчилар учун ажратилган, аммо бошқа транспорт воситлари фойдаланиши мумкин бўлмаган белгиланган майдон.

3. Белгилар (знаки и разметки):
•Йўл белгилари велосипедчиларнинг йўлини аниқ кўрсатиш керак.
•Пиктограммалар ва символлар транспорт воситларни (велосипед, скутер) кўрсатиш ва велосипедчилар учун махсус йўл қоидаларини тушунтириш ишлатилади.

Бу талаблар Европа, хусусан Германия учун мулжалланган ва тажрибадан ўтган лойиҳалаш принциплари. Биз ҳам шу талабларни ўрганиб чиқиб, ҳудудга мослаштириб, қўлласак бўлади.