Akbarxo'ja Rasulov

Uchrashuv

Uzoq rejalangan uchrashuv nihoyat amalga oshdi. 😊 Anchadan beri yigitlar bilan ko‘rishamiz deb reja qilamiz-u, lekin hech amalga oshmasdi. Hayot har birimizni o‘z yo‘liga burib, dengizda kemasini boshqarayotgan kapitanday harakat qilishga majbur qilardi. 🌊 Dengiz bir, yo‘nalishlar esa har xil. To‘lqinlar ba’zan oldinga itarsa, ba’zan chetga surardi. Shu bois uchrashuvimiz doim ortga surilib kelardi.

Ammo bugun yo‘llarimiz kesishdi. 🤝 Ilgari faqat telefon orqali gaplashib, “tez orada ko‘rishamiz” deb yurardik. Bugun esa oldingi yillardan qolgan voqealarni bir-bir yodga oldik. O‘sha sho‘xliklar, o‘sha xatolar, o‘sha yutuqlar… Har bir xotira daftarimizdan bitta-bitta varaqlar ochildi. Ba’zilari kulgili, ba’zilari yurakni titratadigan, ba’zilari esa afsus aralash eslanadigan voqealar edi.

Yangi rejalar tuzdik. ✨ Nasib etsa, ularni ham amalga oshiramiz. Bugun, aynan muborak kunlarda uchrashganimizdan ham juda hursandmiz. Suhbatlarimiz orasida bir-birimiz uchun duo qildik: Keyingi Ramazonga barchamiz sog‘-omon yetaylik! 🙏

Shu lahzalarga nazar tashlab turib, ichimda bir fikr tug‘ildi.

Biz ulg‘aydikmi? Ha! 🥹

Qaridikmi? Yo‘q! 😂

O‘sha bolalik sho‘xligimiz, ichimizdagi do‘stlik tuyg‘usi, samimiyat – hammasi o‘sha-o‘sha. Faqat endi biz dunyoni boshqacha ko‘rayapmiz, o‘tgan yillar bizga saboq bo‘lib, yuragimizga tajriba qo‘shdi.

Ko‘ngil esa hamon yosh… ❤️

P.S Adiz hampn qalam qosh 🤣

Assalomu alaykum, omonmisizlar?
Biz ham yahshi Alhamdulillah.

Yaqinda ish bahona bir kichik sayohat qildik. Shulardan bazilarini sizga ilinidim. Oz ozdan bo'lishib boraman nasib. O'zingizni asrang.

Assalomu alaykum, salomatmisiz ? İkki kunlik dunyoda eson omon yuribsizmi ?