N.U.S Media and Journalism Programme

Tapena le afioaga o Tuanai mo le fonotaga ia Oketopa.

Tusia: Lotoaiga Motu Tagaloa Tanielu, Pelenise Anasitasia Lonigo, Fa’avaeuilao Tagi, Tauiai Iosua
(Sui o le vasega a le tausaga muamua, Tusipasi Fa’avae o le Tipiloma)
Ata pueina: Nathaniel Esera

O moli auala e ola i le malosiaga mai le la, o se tasi lea o poloketi ua mafai ona fa’ataunuuina mo le afioaga o Tuanai.

O Tuanai, ua lua iai afioaga ua mafai ona fa’atinoina lenei galuega.

O lenei poloketi sa fa’atupe mai I le $31, 756 lea sa fa’agaga e le afioaga mo a latou tapenaga.

Sa maua le avanoa e fa’atalanoaina ai e le vasega o le au Tusitala ma Fa’asalalau, se tasi o sui mai le Fonofaavae o Sagaga 2, afioga ia Tavae Fonoti Taule’alo, ma na ia fa’amanino ai lea tulaga.

“O le naunautaiga a le itumalo Sagaga 2, e tapena uma aai mo le fono ia Oketopa, ma o le mafuaaga lea ua fa’asafua ai le $20,000 mai le 1 miliona aua tapenaga a afioaga ta’itasi. O Tuanai, ua ova ma le $20,000 le tupe fa’alu I ana tapenaga e pei ona iai nei moli auala e ola I le malosiaga mai le la. E $11.756 le tupe sa fa’aopopoina mai le Komiti o Tina ma Tamaitai o le afioaga”

Na saunoa foi Taule’alo I le taua o lenei galuega mo le afioaga aemaise le saogalemu o le atunuu atoa.

“E ese ma le taua o nei moli auala e le gata mo le afioaga aemaise tagata lautele o le atunuu. A oo ina pe pou eletise a le EPC, o moli nei e mafai ona fesoa*oani e fa’amalamalama le aai aua tagata feoai aemaise ta’avale. E mafai foi ona fa’aitiitia fa’alavelave tau ta’avale e tutupu pe a malamalama le auala.”

Na fa’ailoa e le sui o le fono faavae, o lenei galuega sa taimua ai le komiti o le poloketi, e aofia ai sui e toafa mai le afioaga o Tuanai, fa’atasi ai ma le lagolago a le pulenuu ma le sui tamaitai, ia ma le afioaga o Tuanai.

O lo’o iai nisi tapenaga a le afioaga o Tuanai e ese mai I moli auala nei aua lava le fa’amatagofieina o le afiaoaga fa’apea tapenaga mo le fonotaga a le malo mo le masina o Oketopa.

Last stop for the Media and Journalism Site Visit

BEAUTIFUL MANONO - TAI