Democracy Plus

Pas reagimit te D+, MMPH anulon tenderin për angazhimin e 20 ekspertëve me kontrata mbi vepër

Ministria e Mjedisit dhe Planifikimit Hapësinor (MMPH), anulon aktivitetin e prokurimit për kontraktimin e 20 ekspertëve përmes Marrëveshjeve për Shërbime të Veçanta (MShV), në vlerë të parashikuar prej 480,000 euro.

D+ përmes reagimit publik kishte kërkuar anulimin e këtij aktiviteti, pasi i njëjti parasheh angazhimin e personave për detyra të natyrës së rregullt administrative, të cilat nuk përbëjnë shërbime të veçanta profesionale që justifikojnë përdorimin e MShV-ve, duke qenë në kundërshtim me Rregulloren Nr. 002/2024 për Prokurimin Publik dhe parimet e ligjshmërisë në përdorimin e fondeve publike.

D+ do të vazhdojë monitorimin e aktiviteteve të prokurimit publik në nivel qendror dhe lokal, të cilat iniciohen dhe zhvillohen në kundërshtim me dispozitat ligjore, me qëllim të parandalimit të shpenzimit të papërgjegjshëm të fondeve publike.