Hervormde Kerk Secunda

God met jou, orals

Skrifgedeelte
“En kyk, Ek is met jou, en Ek sal jou bewaar oral waar jy heengaan, en Ek sal jou terugbring in hierdie land; want Ek sal jou nie verlaat nie, totdat Ek gedoen het wat Ek jou gesê het.”
GÉNESIS 28:15 AFR53

Gedagte
• God se teenwoordigheid is nie beperk tot ’n plek nie. Hy is met jou waar jy ook al gaan.
• Die Here belowe om jou te bewaar en te beskerm, selfs wanneer die pad onseker en uitdagend lyk.
• Wanneer jy alleen voel, onthou: God verlaat nooit Sy kinders nie en bly getrou aan Sy beloftes.
• God sien die einde van jou reis van die begin af en lei jou vlgens Sy volmaakte plan.
• Wat God belowe het, sal Hy voltooi. Sy Woord staan vas en Sy trou faal nooit.

Gebed
Here, dankie dat U altyd met my is. Help my om op U teenwoordigheid en beloftes te vertrou, ongeag my omstandighede. Bewaar my, lei my en voltooi alles wat U vir my lewe beplan het. In Jesus Naam, Amen.