DSND

🎶 Altena se sanggroep deel hul talent met die gemeenskap 🎶

Altena se sanggroep het hierdie week by die VLV-geleentheid by die Moedergemeente in die Strand opgetree. Dit was vir die sanggroep 'n voorreg om deel te kon wees van hierdie besonderse geleentheid.

'n Hartlike dankie aan al ons inwoners wat deelgeneem het, asook aan ons eenheidsbestuurder vir haar betrokkenheid en ondersteuning.
Julle passie en entoesiasme het die optrede besonders gemaak.

Ons waardeer elke geleentheid om ons talente te deel en saam mooi herinneringe te skep.

Op Vrydag, 5 Junie, het die leerders van Talanja Skool vir die inwoners van Altena kom sing en geskenkies vir almal, insluitend ons personeel, gebring. Die inwoners het die besoek terdeë geniet en waardeer. Baie dankie aan Talanja Skool vir julle liefde, omgee en die vreugde wat julle gebring het.